Saturday, May 23, 2009

ಫೋಟೋ ಎಂಬ ಮಾಯದ ಜಿಂಕೆಯ ಬೆನ್ನೇರಿ...


ಮಾರ್ಗರೆಟ್ ಆಳ್ವಾ ಅವರಿಗೆ ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ನಾನು ಮಾಧ್ಯಮ ಸಲಹೆಗಾರನಾಗಿ ಕೆಲಸ ಮಾಡಿದ ವಿಷಯ ಬಹುತೇಕ ಸ್ನೇಹಿತರಿಗೆ ತಿಳಿದ ವಿಷಯ...
ಗೋಕರ್ಣದ ಬಳಿಯ ಒಂದು ತಾಲೂಕು ಪಂಚಾಯತ ಕ್ಷೇತ್ರದಲ್ಲಿ ಚುನಾವಣಾ ಪ್ರಚಾರಕ್ಕೆಂದು ತೆರಳಿದಾಗ ಎಂದಿನಂತೆ ಜನಸಮೂಹ ಅಲ್ಲಿ ನೆರೆದಿತ್ತು.ಕೆಲವರು ಹಾರ ತುರಾಯಿಗಳನ್ನು ತಂದು ಮ್ಯಾಗಿ ಮೇಡಂ ಅವರನ್ನು ಸ್ವಾಗತಿಸಲು ಮುಂದಾದರೆ....ಇನ್ನು ಕೆಲವರು ಅವರ ಪರವಾಗಿ...ಪಕ್ಷದ ಪರವಾಗಿ ಘೋಷಣೆಗಳನ್ನು ಕೂಗುವುದರಲ್ಲಿ ನಿರತರಾಗಿದ್ದರು...ಸಿಡಿಮದ್ದುಗಳು ಸಿಡಿಯುತ್ತಿದ್ದವು...ಕಾರ್ಯಕರ್ತರಲ್ಲಿ ಹುಮ್ಮಸ್ಸು ನೂರ್ಮಡಿಯಾಗಿತ್ತು...
ಮ್ಯಾಗಿ ಮೇಡಂ ಅವರ ಭಾಷಣ ಆರಂಭವಾಗುತ್ತಿದ್ದಂತೆಯೇ...ಎಲ್ಲಿಂದಲೋ ಒಂದು ಕೀರಲು ಧ್ವನಿ ಕೇಳಿ ಬಂತು.ನಾನು ನನ್ನ ಕ್ಯಾಮರಾ ಹೊತ್ತು ಧ್ವನಿ ಬಂದ ಕಡೆ ತಿರುಗಿ ನೋಡಿದಾಗ..ಒಬ್ಬ ಭ್ಕ್ಶುಕನಂತೆ ಕಾಣುವ ವ್ಯಕ್ತಿ ತನ್ನ ಕೈಯಲ್ಲಿ ಕಾಂಗ್ರೆಸ್ ಪಕ್ಷದ ಬಾವುಟವನ್ನು ಹಿಡಿದು ಜೈ ಕಾರ ಹಾಕುತ್ತಿದರೆ..ಅಲ್ಲಿ ನೆರೆದ ಯುವಕರ ಗುಂಪು ಆತನನ್ನು ಕಂಡು ಮಜಾ ಉಡಾಯಿಸುತ್ತಿದ್ದರು......ಕುತೂಹಲದಿಂದ ನಾನು ನನ್ನ ಕ್ಯಾಮರಾ ತೆಗೆದುಕೊಂಡು ಆ ವ್ಯಕ್ತಿಯ ಹತ್ತಿರ ಹೋಗುತ್ತಿದ್ದಂತೆಯೇ, ಆತ ನನ್ನನ್ನು ಕಂಡು ಇನ್ನೂ ಹೆಚ್ಚು ಹುರುಪಿನಿಂದ ಘೋಷಣೆಗಳನ್ನು ಕೂಗತೊಡಗಿದ ಮತ್ತು ನನ್ನನ್ನು ಕಂಡು "ಏಯ್ ಹಿಡಿಯೋ ನನ್ನ ಪೋಟೋ ಹಿಡಿ....ಪೆಪರ್ನ್ಯಾಗಾರ ಬರಲಿ" ಎನ್ನುತ್ತಿದ್ದ...ಒಂದು..ಎರಡು..ಮೂರೂ..ಹೀಗೆ ಸುಮಾರು ಹದಿನೈದು ಕ್ಲಿಕ್ಕಿಸಿದರು ಆತನಿಗೆ ಸಮಾಧಾನವಿಲ್ಲ...ಮತ್ತೆ ಮತ್ತೆ ತೆಗೆಯುವಂತೆ ನನ್ನ ದುಂಬಾಲು ಬಿದ್ದ...
ಈಗ ಹೇಳಿ ಪೋಟೋ ಹುಚ್ಚು ರಾಜಕಾರಣಿಗಳಿಗೆ ಹೆಚ್ಚೋ ಅಥವಾ ಈ ರೀತಿಯ ಅಮಾಯಕರಿಗೋ?

2 comments:

  1. ಫೋಟೊಗ್ರಾಫಿ ಜೊತೆಗೆ ಬರಹಗಾರಿಕೆಯು ಚೆನ್ನಾಗಿದೆ... ಮುಂದುವರಿಸಿ ನಿಮ್ಮ ಕಾಯಕವನ್ನ

    ನಮ್ಮ ಹಾರೈಕೆ ಸದಾ ಇರುತ್ತೆ

    ReplyDelete